Charta qua Arembertus et Rothardis dant monasterio Cluniacensi campos et prata in villa Rufiaco.
Domino et sacrosancto cymiterio in honore apostolorum Petri et
Pauli benedicto, ubi serviunt monachi Cluniacenses, ego Arembertus et Rothardis donamus campos et prata III
a pro remedio, ut pius et misericors Dominus animas nostras eruat de pęnis inferni, et pro sepultura. Sunt vero heę res in pago Matisconensi, in agro Rufiacense; in qua villa tradimus campos II, qui in Cardonari vocantur, et terminantur de quaternis partibus terra Sancti Petri. Tercius campus est in Belusia, et terminatur de tribus partibus terra Sancti Petri, de quarta parte via publica. Infra istas terminationes, cedimus totum ad integrum, et donamus, ut supra notatum est, prata III
a, quę terminantur de cunctis finibus terra Sancti Petri. Hęc omnia ad integrum tradimus atque transfundimus ad locum Cluniacum. Porro qui hoc contradixerit, inferat coactus auri uncias II, et presens donatio firma permaneat, stipulatione subnixa. Actum Rufiaci villę publice. S. Raitrudis. S. Agigulfi. S. Rainulfi, Girbergi, qui consenserunt. S. Uldefredi, Rodaldi, Arnaldi, Tedaldi, Rothardi. Ego Johannes scripsi die lunę, in męnse martio, regnante Rodulfo rege.